إذا ما سافرنا… خلنا نسافر بالخيال ✨

انشغلنا بحياتنا… بشكل ما كان متوقع

لدرجة إننا فجأة استوعبنا إن ما عاد فيه وقت للهوايات

ولا حتى مساحة خفيفة نوقف فيها ونقرأ كم صفحة بدون استعجال

كل شيء صار سريع روتين… ضغط… مهام تتكرر

وكأن الأيام قاعدة تمشي بدون ما نعيشها فعلاً

الشهر الماضي قعدت مع نفسي جلسة صادقة شوي

وقلت: خلاص… كذا وبس

مو معقول كل الأشياء اللي كنت أحبها تختفي كذا

مو معقول أكون شخص بدون هالألوان اللي كانت تملأ يومي

وقتها قررت إني أرجع

أرجع لهواياتي للأشياء اللي كانت تعطيني شعور الحياة

يمكن اللي ما يعرفه كثير عنيإني أحب الأعمال الفنية

بشكل كبيرأحب تشكيل المعجون

وأحب أتعلم… أتعلم أي شيء جديد

أحب القصص المصورة وأحب أرسمها

وأعيش لحظاتي بين الشخصيات وكأنها حقيقية

أحب أقرأ كتب روايات وقصص وكتب العلوم

أحب اخذ صور واخزنها عندي بدون حذف

أحب ألعب فيديو قيمز وجو الأون لاين ~

ولو فيه فرصة أتعلم كيف أسوي لعبة اكيد رح استغلها

أحب أتعلم برامج الرسم وأدخل عالم الثري دي

أحب عالم الانيميشن والتحريك !

وأجرب وأغلط وأتعلم من جديد

أحب اللغات وأحب أشارك الناس أي شيء مفيد أتعلمه

وأحب السفر…

خصوصًا للطبيعة الهدوء اللي فيها والإحساس اللي يرجع لك نفسك

ولما قررت أرجع لكل هذا…

صدقًا — قامت الحرب 💔​

وبإذن الله نعيشها ومتفائلين

ربي يحفظنا واياكم ~

لأن هذي الأشياء مو رفاهية هذي جزء منّا ..

وصحيح…في شيء مهم جدًا

أحب الكتابة

وعندي قصص كثيرة براسي

قاعدة تنتظر تبغى تطلع للنور

شخصيات… عوالم… مشاعر كلها عايشة داخلي

واليوم قررت إني أبدأ 👏​

سواء كنت مستعدة أو لا ~

أعرض قصصي أرتبها وأعيد صياغتها

ويمكن…لو ما كان لنا حظ نسافر في الواقع

نسافر بالخيال ــــــــــ ..

نروح لعوالم ممكن ما تكون موجودةلكن نحس فيها

ونشوف نفسنا داخل شخصياتها

قعدت ابحث عن موقع اقدر اعرض فيه قصصي

ولقيت موقع اسمه واتباد وفتحت فيه الحساب

ولقيت اني مسجله فيه من قبل!

ممكن هاذي أشارة 😇​ ~

( هذا حسابي فيه )

صراحة… ما أعرف هل يدعم الجمهور العربي أو لا

بس قلت لنفسي:

هي أول تجربة… خلنا نشوف ونبدأ بسم الله~

يمكن تكون البدايةويمكن تكون مجرد خطوة